KFOR-i ka njoftuar se ushtarët gjermanë dhe ata letonë kanë kryer një patrullë të përbashkët në veri të Kosovës.
Në njoftimin e KFOR-it thuhet se kjo patrullë është pjesë e misionit të përditshëm të KFOR-it.
“Ushtarët gjermanë dhe letonezë të caktuar në Komandën Rajonale në Lindje të misionit #KFOR të udhëhequr nga #NATO kryen një patrullë të përbashkët në veri të Kosovës. Patrullimi së bashku lejon që ushtritë e dy kombeve të punojnë së bashku për të rritur sigurinë në mbarë Kosovën”, thuhet në njoftimin e KFOR-it.
“KFOR-i punon në koordinim të ngushtë me Policinë e Kosovës dhe Misionin e Bashkimit Evropian për Sundimin e Ligjit në Kosovë (EULEX)”, mbyllet njoftimi.