Udhëheqësit e Grupit të 20 ekonomive kryesore takohen të martën për të diskutuar zhvillimin e qëndrueshëm dhe kalimin drejt energjisë më të pastër, pasi synojnë të rrisin shanset për një marrëveshje të suksesshme për të trajtuar ngrohjen globale në bisedimet e OKB-së për klimën në Azerbajxhan.
Pritësi i samitit të klimës COP29 një ditë më parë kishte bërë "një lutje" për vendet e G20 që të dërgojnë një sinjal pozitiv mbi nevojën për të trajtuar ndryshimet klimatike dhe të japin mandate të qarta për të ndihmuar në shpëtimin e bisedimeve që kishin ngecur në Baku të Azerbajxhanit.
Me botën në rrugën e duhur për vitin e saj më të ngrohtë në histori, udhëheqësit po kërkojnë të forcojnë përpjekjet për të adresuar ndryshimet klimatike përpara se Donald Trump të rimarrë presidencën e SHBA në janar. Ai thuhet se po përgatitet të dalë nga Marrëveshja e Parisit për ndryshimet klimatike dhe të tërheqë politikën e SHBA-së për ngrohjen globale.
Në një deklaratë e përbashkët të lëshuar vonë të hënën, udhëheqësit e G20-s kërkuan, rritje të shpejtë dhe thelbësore të financimit të klimës nga miliarda në triliona nga të gjitha burimet për të paguar për përgjigjen ndaj ndryshimeve klimatike.
Udhëheqësit e G20 ranë dakord që negociatorët e COP29 duhet të arrijnë një marrëveshje për një qëllim i ri financiar, për sa para duhet t'u japin kombet e pasura vendeve më të varfra në zhvillim në financimin e klimës.
Por ndërsa deklarata e G20 tha se vendet duhet të zgjidhin çështjen, ata nuk treguan se cila duhet të jetë zgjidhja në samitin e OKB-së që pritet të përfundojë të premten.
Ekonomistët sugjerojnë se qëllimi duhet të jetë së paku 1 trilion dollarë në vit.
Vendet e zhvilluara, duke përfshirë Evropën, argumentojnë se baza e kontribuuesve duhet të zgjerohet për të përfshirë vendet më të pasura në zhvillim si Kina dhe vendet më të pasura të Lindjes së Mesme, në mënyrë që të bien dakord për një qëllim ambicioz.
Duke hapur samitin e tyre vjetor në Rio de Zhaneiro të hënën, presidenti Luiz Inacio Lula da Silva tha se ndikimi i ndryshimit të klimës ishte i dukshëm në të gjithë botën dhe duhej të trajtohej urgjentisht.
Kombet e G20 shihen si jetike për të formuar përgjigjen ndaj ngrohjes globale, pasi ato kontrollojnë 85% të ekonomisë botërore dhe janë gjithashtu përgjegjëse për më shumë se tre të katërtat e emetimeve të ngrohjes klimatike.