Thirrja e Presidentes së Kosovës, Vjosa Osmani, për pezullimin e tarifës doganore prej 10% ndaj mallrave nga Shtetet e Bashkuara ka marrë vëmendjen e kongresistëve amerikanë, të cilët e kanë vlerësuar lart këtë hap.
Kongresisti republikan Carlos A. Gimenez ka falënderuar publikisht Osmanin, duke thënë se veprimi i saj është pritur mirë në SHBA dhe se edhe aleatët evropianë duhet të ndjekin këtë shembull.
“Faleminderit zonja Presidente! Kjo është pritur mirë në Shtetet e Bashkuara. Edhe aleatët tanë të tjerë në Evropë duhet të ndjekin shembullin tuaj”, ka deklaruar Gimenez.Today, I formally requested the Government of Kosovo to suspend import tariffs on all U.S. products—an important step to deepen economic ties with our closest ally and to send a clear message: Kosovo is ready for a more robust relationship with the United States, with a clear… https://t.co/zqIcz2FVfR
— Vjosa Osmani (@VjosaOsmaniPRKS) April 3, 2025
Edhe kongresisti tjetër amerikan, Keith Self, ka përshëndetur këtë thirrje të Osmanit, duke e cilësuar atë si një mësim të rëndësishëm për partnerët evropianë.“Ky është një mësim i jashtëzakonshëm në lidership për partnerët tanë evropianë që duhet ta marrin parasysh”, ka shkruar republikani Self.
This is a tremendous lesson in leadership for our European partners to consider.🇺🇸 https://t.co/VCRkEnyecP— Rep. Keith Self (@RepKeithSelf) April 3, 2025
Presidentja Osmani e bëri këtë kërkesë një ditë pasi SHBA vendosi një tarifë të ngjashme ndaj importeve nga Kosova.
Ajo theksoi se pezullimi i tarifës do të ndihmonte në forcimin e marrëdhënieve ekonomike dhe strategjike mes dy vendeve, duke dërguar një mesazh të qartë për gatishmërinë e Kosovës për partneritet më të fuqishëm me SHBA-në.