Më 21 janar, nga ora 18:00 në Kuvendin e Kosovës hapet ekspozita personale e fotoreporterit, Hazir Reka, e cila shpalos në retrospektivë jetën e presidentit historik, Ibrahim Rugova.
Ekspozita retrospektivë e fotografit të njohur Hazir Reka, me fotografi të Presidentit historik, dr. Ibrahim Rugova, sjell një rrugëtim të paharrueshëm nga vitet ’80 deri në shkuarjen në amshim.
Përmes imazheve familjare dhe momenteve kyçe të angazhimit të tij politik, kjo ekspozitë ndriçon jetën dhe vizionin e një lideri që udhëhoqi Kosovën drejt lirisë me urtësi, durim dhe përkushtim. Një homazh i denjë në përvjetorin e tij, që rikujton rolin e tij të pazëvendësueshëm në historinë e Republikës së Kosovës.