Albumi i këngëtares së njohur botërore me origjinë shqiptare, Rita Ora i titulluar “Ora” ka bërë 12 vite që nga koha që ai u lançua për publikun për herë të parë.
Albumi “Ora”, i cili ishte një dedikim për vendlindjen e saj, Kosovën arriti shumë shpejt që t’i dhurojë asaj suksesin e merituar duke e ngjitur atë shumë më lart në hartën muzikore.
Artistja shqiptare, Rita Ora është bërë nostalgjike dhe është kthyer pak pas në kohë, duke përkujtuar përvjetorin e fillimit të suksesit të saj.
Në një video të postuar në Instagram, ajo ka bërë një kolazh të momenteve kryesore të këngëve të këtij albumi, teksa e gjithë videoja është e shoqëruar nga ritmet e këngës “Shine Ya Light”, një këngë e cila është dedikim për vendlindjen e saj, Kosovën.
“Zoti im, nuk mund ta besoj që kanë kaluar 12 vjet që nga dalja e albumit tim debutues ‘Ora’! Ajo është një mbretëreshë dekade!!
Dashuri e madhe për të gjithë ata që e kanë dëgjuar që nga viti 2012! Cila është kënga juaj e preferuar nga albumi?”- shkroi artistja shqiptare krahas videos së shpërndarë në rrjetet sociale.
Rita Ora ka treguar gjithmonë një përkushtim të veçantë për vendlindjen e saj dhe për adhuruesit e saj që e kanë mbështetur gjatë gjithë karrierës.